Nils Jernsletten stálo birra

Nils Jernsletten, 1978. - Klikk for stort bildeDán máno jiednafijlan gullap gå Nils Jernsletten ságas Dag Skogheimajn. Ságastallama tiebmá l stállo ja stállobuojkuldahka. Ságájdahttem la jages 1973.

Stallo (av Alfhild Vekterli) - Klikk for stort bilde

Stállo l myhtalasj gåvos mij dåmat duon dán rållan sáme dijdajn. Stállo l álu dålusj subttsasijn ja båvajn. Stállo máhttá dåmadit duon dán láhkáj, ja tjielgga buojkuldahka mij stállo le, ij gávnnu. Stállo l gåvvidum stuorra, várálasj iehpesjivnnjádussan, valla adjáj ruohttaádjá lágátjin. Sáme tjálle Johan Turi milta lidjin stálo bielle almatjin ja bielle ihtjan jali riehtasin. Juska stállo l bahá ja aj gievrra, le sån aj jalla ja ulmutjijs biehteduvvá. Ságájdahttemin Nils Jernsletten subtsas gåktu mánájt stálujn balldin, valla aj gåktu stálov lulun gåddet ja dajna lágijn oajtádallá.

Dieddela gulldalittjat

Ságájdahttema ájge lij Jernsletten oajvvefáhkastudænntan Oslo universitehtan. Ja de sjattaj sámegiella professorin Romså universitehtan. Sån la moadda artihkkala sáme tiemáj birra tjállám, ja duodden læhkám guojmmetjállen moatten girjen. Sån la aj almodam duola dagu dájt girjijt:

Dajahusat 1976

Sámegiela skuv'lasádnelis'to mas sánit læt jår'galuvvun dárugillii (Sáme-dáro báhkolissta) 1977

En undertrykt kultur 1981

Álgosátnegirji (sáme-dáro báhkogirjje) 1983

 

Oversatt til lulesamisk av Heidi Birgitta Andersen, Sáme giellakonsulænnta/Samisk språkkonsulent 

 

- ABM Nordlánnda aktisasjbarggoprosjækta

 
Stallo (av Alfhild Vekterli ) - Klikk for stort bildeStallo (av Alfhild Vekterli) - Klikk for stort bilde